2026-jıl 7-mart kúni 8-mart – Xalıqaralıq hayal-qızlar bayramı múnásibeti menen Qaraqalpaqstan Respublikası Pedagogikalıq sheberlik orayı Tillerdi oqıtıw metodikası kafedrası tárepinen “Ziyalı hayal – jámiyet rawajlanıwınıń tayanıshı” atamasında aǵartıwshılıq ilajı ótkerildi. Ilajda Qaraqalpaq mámleketlik universiteti “Pedagogika hám psixologiya” kafedrası docenti, psixologiya ilimleri boyınsha filosofiya doktorı (PhD) Ella Suletbaeva miyman sıpatında qatnastı. Ilajdıń tiykarǵı maqseti – hayal-qızlardıń jámiyettegi ornı hám abırayın arttırıw, olardıń shańaraq hám jámiyet tárbiyasındaǵı áhmiyetli rolin keńnen úgit-násiyatlawdan ibarat. Ushırasıw dawamında Ella Suletbaeva hayaldıń jámiyettegi ornı, onıń shańaraq hám tárbiya procesindegi juwapkershiligi haqqında pikir bildirip, psixologiya kózqarasınan hayal-qızlardıń ruwxıy kúshi, ruwxıy turaqlılıǵı hám jas áwladtıń tárbiyasındaǵı áhmiyetli roli haqqında maǵlıwmatlar berdi. Erkin pikirlesiw hám soraw-juwaplar tiykarında ótken ilaj qatnasıwshılarda úlken qızıǵıwshılıq oyattı hám hayal-qızlardıń jámiyetlik rawajlanıwdaǵı ornı jáne bir márte tán alındı.
