Qaraqalpaqstan Respublikası Pedagogikalıq sheberlik orayında 2026-jıl iyun ayı tıńlawshıları ushın shólkemlestirilgen qánigeligin arttırıw kursları dawam etpekte. Oqıw sabaqları dawamında tıńlawshılarǵa qánigeligin arttırıw kurslarınıń maqset hám wazıypaları, oqıw-metodikalıq jumıstı nátiyjeli shólkemlestiriw máseleleri, zamanagóy bilimlendiriw procesinde qollanılatuǵın motivaciyalıq shınıǵıwlar hám olardıń ámeliy áhmiyeti boyınsha tolıq maǵlıwmatlar berildi. Házirgi waqıtta orayda 37 toparda 100 saatlıq qánigelik arttırıw kurslarında jámi 1006 pedagog xızmetker bilim almaqta. Kurslar 22 baǵdar boyınsha shólkemlestirilgen bolıp, pedagoglardıń kásiplik kompetenciyaların rawajlandırıw, aldınǵı pedagogikalıq tájiriybelerdi ózlestiriw hám ámeliy kónlikpelerin jetilistiriwge qaratılǵan.
