Keńes májilisinde yarım jıllıq esabatlar tıńlanıp, tiykarǵı wazıypalar belgilendi

Qaraqalpaqstan Respublikası Pedagogikalıq sheberlik oraydıń gezektegi  Keńes májılisi bolıp ótti. Keńesti pedagogikalıq oray direktori G.Kojabaeva ashtı hám alıp bardı. Májiliste direktor orınbasarları, oraydıń kafedra hám bólim baslıqları, professor-oqıtıwshılar qatnastı. Májiliste ótken altı ay dawamında oray kafedra hám bólimler tárepinen ámelge asırılǵan jumıslar boyınsha esabatı tıńlandı. Jetiskenlikler menen birge isleniwi tiyis wazıypalar da belgilenip alındı.  Sonnan: -“Ózbekstan-2030” strategiyası hám 2026-jıl “Máhálleni rawajlandırıw hám jámiyetti jetilistiriw jılı” Mámleketlik baǵdarlamasında belgilengen wazıypalardan kelip shıǵıp ilajlardıń turaqlı túrde ótkerilip barılıwın  támiyinlew; -jıllıq jobada belgilep alınǵan ruwxıy-aǵartıwshılıq ilajlardıń óz waqtında sapalı ótkeriliwin támiyinlew; – kafedralarda ilimiy-izertlew hám metodikalıq jumıslar baǵdarı boyınsha islengen jumıslarda professor-oqıtıwshılardıń iskerliklerin ele de jetilistirip barıw; – professor-oqıtıwshıları, pán metodistleriniń abıraylı xalıqaralıq bazalarda (SCOPUS, Web of science) hám Joqarı attestaciya komissiyası tárepinen usınıs etilgen ilimiy sırt el hám jergilikli ilimiy jurnallarda maqalalar, konferenciyalarda maqala tezisler járiyalap barıw; Sonday-aq, májilis dawamında ayırım kemshilikler atap ótildi hám olar boyınsha sın pikirler bildirildi. Bar kemshiliklerdi saplastırıw, jumıs nátiyjeliligin bunnan bılay da arttırıwǵa qaratılǵan áhmiyetli wazıypalar dodalandı. Májilis juwmaqları boyınsha tiyisli qararlar qabıl etilip, juwapkerlerge anıq wazıypalar júklendi.