📚 Qaraqalpaqstan Respublikasında «Jıl oqıtıwshısı» tańlawınıń úshinshi basqıshı baslandı

Qaraqalpaqstan Respublikası Pedagogikalıq sheberlik orayında “Jıl muǵallimi” tańlawınıń úshinshi basqıshı saltanatlı túrde baslandı.  Ashılıw máresiminde qatnasıwshılarǵa tańlaw sınaqların ótkeriw tártibi, bahalaw kriteriyaları hámde reje talapları boyınsha tolıq maǵlıwmat berildi. Bunnan soń ashıq-aydınlıq principleri tiykarında qurra taslaw procesi ótkerilip, pedagoglardıń tańlaw sınaqlarında qatnasıw izbe-izligi belgilendi.  Usı jıldıń 28-30-iyul kúnleri ótkeriletuǵın bul basqıshta respublikanıń 208 rayon hám qalasınan 416 saylandı pedagog óziniń kásiplik sheberligi, bilim potencialı hámde zamanagóy pedagogikalıq jantasıwların kórsetedi. Tańlawda Qaraqalpaqstan Respublikasınıń  34 pedagog qatnaspaqta. Olar bilimlendiriwdiń sapasın jáne de arttırıw, aldınǵı tájiriybelerdi ǵalaba en jaydırıw hám kásiplik potencialın kórsetiw jolında óz-ara bellesedi.  Tańlaw juwmaqlarına bola, hár bir rayon hám qaladan birewden, jámi 208 pedagog jeńimpaz dep tabıladı. Ministrler Kabinetiniń 264-sanlı qararına muwapıq, jeńimpazlardıń hár biri bazalıq esaplaw muǵdarınıń 1 400 esesi, yaǵnıy 576 million 800 mıń sum muǵdarında bir mártelik aqshalay sıylıq penen sıylıqlanadı.