Qaraqalpaqstan Respublikası Pedagogikalıq sheberlik orayında “Jıl oqıtıwshısı” tańlawınıń úshinshi basqıshı sheńberindegi sınaqlar dawam etpekte. Búgingi sınaqlarda qatnasıwshılar ózleriniń pedagogikalıq iskerligi, kásiplik jetiskenlikleri, aldınǵı jumıs tájiriybesi hám bilimlendiriw procesine engizip atırǵan innovaciyalıq kózqarasları boyınsha prezentaciyalar menen qatnastı. Sonday-aq, olardıń sanlı pedagogika baǵdarındaǵı jumısı hám kásiplik tájiriybeni en jaydırıw baǵdarındaǵı jumısları da belgilengen normalar tiykarında bahalandı. Tóreshiler quramı aǵzaları qatnasıwshılardıń shıǵıwların tańlaw rejesinde belgilengen kriteriyalar tiykarında qalıslıq, ashıq-aydınlıq hám ádillik principlerine qatań ámel etken halda bahalamaqta. Tańlawdıń úshinshi basqıshı dawam etedi.
