Qaraqalpaqstan Respublikası Pedagogikalıq sheberlik orayında “Kásiplik rawajlanıw kúni” hám “Kásiplik rawajlanıw saatı” ilajları sheńberinde mentor-trenerlerdi tayarlaw boyınsha ótkerilip atırǵan úsh kúnlik trening óz jumısın basladı.
Ilajdıń ashılıw máresiminde oray direktorı Gulistan Kojabaeva treningtiń maqset hám wazıypaları, sonday-aq, 2026-2027-oqıw jılında “Kásiplik rawajlanıw kúni” hám “Kásiplik rawajlanıw saatı” ilajların nátiyjeli shólkemlestiriwde mentor-trenerlerdiń ornı haqqında aytıp ótti.
“Mentor-trenerlerdi tayarlaw boyınsha trening” sheńberinde ámeliy shınıǵıwlar dawam etpekte. Onda 293 mentor-trener 2026-2027-oqıw jılında “Kásiplik rawajlanıw kúni” hám “Kásiplik rawajlanıw saatı” sabaqların nátiyjeli shólkemlestiriw ushın zamanagóy metod hám qatnaslardı ózlestirmekte.
Oqıw basında Qaraqalpaqstan Respublikası Pedagogikalıq sheberlik orayınıń direktorı Gulistan Kojabaeva mentor-trenerlerge “Kásiplik rawajlanıw kúni” hám “Kásiplik rawajlanıw saatı” sabaqların mazmunlı hám nátiyjeli shólkemlestiriw, zamanagóy metodikalıq qatnasıqlardan únemli paydalanıw hám pedagoglardıń kásiplik rawajlanıwına ámeliy járdem beriwdiń áhmiyetli tárepleri haqqında aytıp ótti.
Treningte:
— zamanagóy pedagogikalıq texnologiyalar hám metodikalıq qatnaslar;
—SEL hám UDL principleri;
—pedagogikalıq refleksiya hám bahalaw;
— jasalma intellekt hám sanlı qurallardan paydalanıw;
— PISA, PIRLS hám TIMSS baǵdarlamaların pán mazmunına integraciyalaw baǵdarları úyrenilmekte.
Pánler kesiminde bolsa sanlı hám virtual laboratoriyalar, PBL, xalıqaralıq bahalaw baǵdarlamaları, kommunikativlik hám til kompetenciyaların rawajlandırıw sıyaqlı ámeliy temalar qamtıp alınǵan.
Treningtiń tiykarǵı wazıypası – zamanagóy metodikalıq sheshimlerdi ámeliyatqa nátiyjeli engize alatuǵın mentor-trenerlerdi tayarlaw.
Trening 28-30-sentyabr kúnleri dawam etedi.
