Qaraqalpaqstan Respublikası Pedagogikalıq sheberlik orayında sentyabr ayında shólkemlestirilgen qánigelik arttırıw kursları tıńlawshılarınıń juwmaqlawshı attestaciya sınaqları ótkerildi. Juwmaqlawshı bahalaw procesi test sınaqları hám qánigelik jumısların qorǵaw túrlerinde shólkemlestirilip, tıńlawshılar kurs dawamında iyelegen bilim, kónlikpe hám kompetenciyaların, zamanagóy pedagogikalıq texnologiyalardı ámeliyatta qollanıw sheberligin kórsetti. Qaraqalpaqstan Respublikası Pedagogikalıq sheberlik orayınıń direktorı Gulistan Kojabaeva juwmaqlawshı attestaciya procesinde qatnasıp, tıńlawshılardıń sınaq procesin baqladı hám qánigelik arttırıwdıń kásiplik rawajlanıwdaǵı áhmiyetin atap ótti. Attestaciya procesi tıńlawshılardıń kurs dawamında iyelegen ámeliy bilim hám kónlikpelerin kórsetiw, sonday-aq, kásiplik jumısın jáne de jetilistiriw ushın zárúr usınıslar alıw imkaniyatın berdi.
