Click to listen highlighted text!

ULLÍ ILIMPAZ EDVIN PAUELL XABBL TUWÍLǴAN KÚNINE BAǴÍSHLANǴAN ILAJ ÓTKERILDI

20.11.2026 16:55:37 8 Баспаға шығарыў

2026-jıl 20-noyabr kúni Qaraqalpaqstan Respublikası Pedagogikalıq sheberlik orayında ullı amerikalı astronom Edvin Pauell Xabbl tuwılǵan kún múnásibeti menen “Kosmos sırların ashqan ilimpaz” atamasında aǵartıwshılıq ilajı shólkemlestirildi. Ilajǵa oraydıń Anıq hám tábiyǵıy pánler metodikası kafedrası baslıǵı, docent G.Allaxova, professor-oqıtıwshılar hám fizika páni kursı tıńlawshıları qatnastı. Ilaj dawamında qatnasıwshılarǵa Edvin Pauell Xabbldiń ómir jolı, ilimiy jumısı, astronomiya pánine qosqan úlken úlesi hám áhmiyetli oylap tabıwları haqqında tolıq maǵlıwmat berildi. Edvin Pauell Xabbl (1889-1953) — XX ásirdiń belgili amerikalı astronomlarınan biri bolıp, galaktikalardı úyreniw hám kosmostıń keńeyiwi haqqındaǵı ilimiy kóz-qaraslardıń qáliplesiwine úlken úles qosqan. 1923-jılı Andromeda galaktikasın úyreniw arqalı Qus jolınan tısqarıda da ǵárezsiz galaktikalardıń bar ekenligin ilimiy jaqtan dálillegen. 1929-jılı bolsa galaktikalardıń uzaqlasıw tezligi hám olarǵa shekemgi aralıq arasındaǵı baylanıstı anıqladı. Bul ilimiy ashılıw búgingi kúnde Xabbl nızamı atı menen belgili. Sonday-aq, ilimpazdıń húrmetine 1990-jılı kosmosqa ushırılǵan belgili “Xabbl” kosmoslıq teleskopı da onıń atı menen atalǵan. Ilaj sheńberinde temaǵa baylanıslı kórgizbeli tájiriybeler hám prezentaciyalar shólkemlestirilip, qatnasıwshılar óz ara pikir alıstı jáne astronomiya hám kosmos sırlarına baylanıslı bilimlerin jáne de bayıttı. 

Back To Top
Click to listen highlighted text!