1-15-fevral kúnleri aralıǵında Respublikamızda «Qáwipsiz jol-qáwipsiz piyada 24» koncepsiyası boyınsha JHQ profilaktikalıq ugit-násiyatlaw jumısları sheńberinde taraw xızmetkerleri tárepinen Pedagogikalıq oray tıńlawshılarına «Dıqqat piyada» atamasında ilaj bolıp ótti.
Ilajda QR IIM Jol háreketi qáwipsizligi basqarması málimleme topar aǵa inspektorı kapitan Yu. Matyakupova sózge shıǵıp, Ózbekstan Respublikası Ministrler Kabinetiniń 2018-jıl 30-avgust kúni qabıl etilgen 701-sanlı qararı tiykarında hápteniń juma, jol háreketi ugit-násiyatlaw kuni dep belgilengenligi haqqında aytıp ótip, ushırasıw qatnasıwshılarına jollarda ushırasıp atırǵan jol transport hádiyseleri boyınsha júz berip atırǵan waqıyalar hám olardıń kelip shıǵıw sebepleri sonday-aq jol háreketi qaǵıydalarına qatań túrde ámel etiw tek ózlerimizdiń ǵana emes, barlıq jol háreketi qatnasıwshıları qáwipsizliginiń támiyinleniwinde xızmet etiwi hám sonıń menen birgelikte, jol háreketi qatnasıwshılarınıń hár biri belgilengen tártip-qaǵıydalarǵa ámel etip júriwi haqqında aytıp ótti.
Sonday-aq, transport quralların tiyisli hújjetlersiz basqarmaw kerekligi, transport basqarıwda asıqpaw, belgilengen tezlik talaplarına bárqulla ámel etiw, más halda rul basqarıwına otırmaw, jolǵa shıǵıwda hawa-rayı sharayatların inabatqa alıw kerekligi, Ózbekstan Respublikası Nızamlarında belgilengen keyingi jol háreketi qaǵıydaları boyınsha ózgerisler hám qosımshalar, transport basqarıwshıları hám piyadalar jol háreketi qaǵıydalarına qatań boysınıw hám jollardan júriwde hámmeni qıraǵı bolıwǵa shaqırdı.
Ilaj dawamında jol háreketi qáwipsizligine hám júz bergen jol transport hádiyseleriniń ashınarlı waqıyalarına arnalǵan videorolik qoyıp berildi.
