Ózbekstan Respublikası Prezidentiniń 2024-jıl 21-iyundaǵı «Mektepke shekemgi hám mektep bilimlendiriw shólkemleri xızmetkerlerin úzliksiz kásiplik rawajlandırıw sistemasın jetilistiriw boyınsha qosımsha is-ilajları haqqında»ǵı 231-sanlı hám Ministrler Kabinetiniń 2024-jıl 20-dekabrdegi “Mektepke shekemgi hám mektep bilimlendiriwi xızmetkerlerin úzliksiz kásiplik rawajlandırıw sistemasın jetilistiriw haqqında”ǵı 867-sanlı qararlarına tiykarlanıp mámleketimizde mektepke shekemgi hám mektep bilimlendiriwi shólkemleriniń basshı, pedagog hám qánige kadrların qayta tayarlaw hám mamanlıǵın arttırıwdıń úzliksiz sisteması jolǵa qoyıldı.
2025-jıl yanvar ayınan baslap bes jılda bir márte jumıstan ajıralǵan halda qánigeligin arttıradı.
Búgin Qaraqalpaqstan Respublikası Pedagogikalıq sheberlik orayında fevral ayı tıńlawshıları ushın oqıw baslandı.
Kurstıń dáslepki kúninde professor-oqıtıwshılar tárepinen tıńlawshılarǵa:
ózgerisler kirgizilgen kásiplik rawajlanıw kursınıń ózgeshelikleri haqqında túsinikler berildi;
shólkemlestiriletuǵın oqıw hám metodikalıq jumıslar haqqında maǵlıwmat berildi;
ay dawamındaǵı tıńlawshılardıń wazıyaları tuwralı esletpeler berildi;
tınlawshılar ushın motivaciyalıq sabaqlar shólkemlestirildi.
