☄️Búgin Qaraqalpaqstan Respublikası Pedagogikalıq sheberlik orayında shólkemlestirilgen Mektepke shekemgi bilimlendiriw pedagogları qánigeligin arttırıw orayınıń ashılıw máresimi bolıp ótti. Onda BMSh Balalar qorı (UNICEF)nıń qánigeleri, Pedagogikalıq sheberlik orayı direktorı Venera Bekmuratova, oray professor-oqıtıwshılar hám tıńlawshılar qatnastı. 
Oray direktorı Venera Bekmuratova basshılıǵında shólkemlestirilip, onda qatnasıwshılarǵa joybar sheńberinde ámelge asırılıp atırǵan reformalar, atap aytqanda, pedagog kadrlardıń qánigeligin arttırıwdıń transformaciya procesi haqqında tolıq maǵlıwmatlar berildi. Maǵlıwmat ornında: bul oray Ministrlik, Islam rawajlanıw banki hám UNICEF birge islesiwinde ámelge asırılıp atırǵan “Ózbekstan Respublikasında sapalı mektepke shekemgi bilimlendiriwden paydalanıw imkaniyatların keńeytiw” joybarı sheńberinde shólkemlestirildi. 
Joybar sheńberinde 11 usınday Oraylar shólkemlestiriliwi rejelestirilgen bolıp, bul keleshekte mektepke shekemgi tálim sistemasında jumıs alıp barıwshı pedagog kadrlar hámde direktorlar ushın tikkeley óz aymaǵında tájiriybe arttırıw imkaniyatın beredi. 
UNICEF tárepinen usınılǵan zamanagóy texnikalıq úskeneler tiykarında shólkemlestirilgen oqıw xanası, kompyuter hám laboratoriya xanaları mektepke shekemgi bilimlendiriw sisteması xızmetkerleri ushın zárúr bolǵan teoriyalıq hám ámeliy shınıǵıwlardı joqarı dárejede shólkemlestiriwge imkaniyat beredi.
Qaraqalpaqstan: mektepke shekemgi bilimlendiriw shólkemi pedagogları ushın jańa Oray iske tústi
Back To Top