Ózbekstan Respublikası Mektepke shekemgi hám mektep bilimlendiriwi ministrligi tárepinen jolǵa qoyılǵan mobil tájiriybe arttırıw xızmetleri sisteması sheńberinde ajıratılǵan arnawlı avtobus Qaraqalpaqstan Respublikası Pedagogikalıq sheberlik orayında óz jumısın nátiyjeli alıp barmaqta.
Búgin bul mobil tájiriybe arttırıw avtobusi Shımbay rayonı Qızılózek APJ aymaǵındaǵı “Baxtiyarova Shaxnoza Bahodir qızı” mámleketlik emes shańaraqlıq mektepke shekemgi bilimlendiriw shólkemine bardı.
Ilajdıń maqseti – pedagoglarǵa óz jasaw orınlarınan uzaqlaspaǵan halda úzliksiz kásiplik rawajlanıw hám qánigeligin arttırıw imkaniyatın jaratıw bolıp esaplanadı.
Usı baslama sheńberinde Mektepke shekemgi, baslawısh hám arnawlı tálim metodikaları kafedrası oqıtıwshısı X.Eshimbetova tárepinen “Balalardıń kishi jastaǵı súwretlew iskerligi” atamasında ámeliy sabaq ótkerildi.
Sabaq dawamında qatnasıwshılarǵa Irina Likova texnologiyası tiykarında metodikalıq túsinikler berilip, olardı ámeliy qollanıw boyınsha tájiriybe almasıldı.
