Qaraqalpaqstan Respublikası Pedagogikalıq sheberlik orayında Tumaris Aymuxammedova tárepinen “Baslawısh bilimlendiriwde inkluyuziv tálim qatnasları” atamasında ashıq sabaq ótildi. Ashıq sabaq dawamında ayrıqsha tálimge mútájligine iye bolǵan oqıwshılardı qollap-quwatlaw, olar ushın beyimlestirilgen bilimlendiriw ortalıǵın jaratıw, arnawlı metodlar hám qurallardan paydalanıw, sonday-aq, arnawlı pedagoglar menen birgelikte kompleksli qatnastı qáliplestiriw boyınsha tolıq túsinikler berildi. Inklyuziv tálimniń mazmunı, maqseti hám baslawısh bilim beriwde qollanılatuǵın tiykarǵı metodlar keńnen sáwlelendirildi. Sabaq procesinde tómendegi interaktiv metod hám texnikalardan paydalandı: “Rezyume,” “Tórtmúyeshlik,” “Torsıq hám imkaniyat,” “Basqa usılda sızıń,” sonday-aq, temaǵa baylanıslı videomateriallar usınıldı. Bul shınıǵıwda baslawısh klass muǵallimleri belsene qatnasıp, óz pikir-usınısların bildirdi. Ashıq sabaq professor-oqıtıwshılar hám tıńlawshılar tárepinen joqarı bahalandı. 
Baslawısh tálimde inklyuziv qatnaslar: ashıq sabaq shólkemlestirildi
Back To Top