Qaraqalpaqstan Respublikası Pedagogikalıq sheberlik orayında “Mektepke shekemgi, baslawısh hám arnawlı tálim metodikaları” kafedrası docenti Tajekbaeva Ziywar tárepinen baslawısh tálim baǵdarınıń 2-topar tıńlawshıları ushın “Tábiyıy pán (SCIENCE) de ámeliy tájiriybeler arqalı oqıwshılardıń ekologiyalıq sawatlılıǵın rawajlandırıw” atamasında ashıq sabaq shólkemlestirildi.
Sabaqta tıńlawshılarǵa SCIENCE baǵdarlamasına tiykarlanǵan sabaqlıqlarındaǵı ámeliy tájiriybelerdiń mazmunı, tájiriybelerdi ótkeriw boyınsha zamanagóy metodikalıq talaplar, laboratoriyalıq hám ámeliy jumıslarda birge islesiw texnologiyaların qollanıw boyınsha túsinikler berildi. Sabaq procesi interaktiv metodlar, ámeliy tájiriybeler kórgizbesi hám kishi toparlarda orınlanatuģın tapsırmalar arqalı alıp barıldı.
Sabaq juwmaǵında tıńlawshılar ekologiyalıq sawatlılıqtı qáliplestiriwde ámeliy tájiriybelerdiń áhmiyetli orın tutatuģınlıǵın atap ótti.
