Click to listen highlighted text!

“BAYRAǴÍMÍZ — MAQTANÍSHÍMÍZ” TEMASÍNDA BAYRAM ILAJÍ ÓTKERILDI

18.11.2026 17:16:51 9 Баспаға шығарыў

 Qaraqalpaqstan Respublikası Pedagogikalıq sheberlik orayınıń “Social-ekonomikalıq pánler metodikası” kafedrası tárepinen 18-noyabr — Ózbekstan Respublikası Mámleketlik bayraǵı qabıl etilgen kún múnásibeti menen “Bayraǵımız — maqtanıshımız” atamasında bayram ilajı shólkemlestirildi. Ilajdıń tiykarǵı maqseti tıńlawshılar hám pedagoglar arasında mámleketlik nıshanlarǵa bolǵan húrmetti arttırıw, milliy qádiriyatlarımızdıń mazmun-mánisin tereń ańlatıw, Watanǵa sadıqlıq, milliy maqtanısh sezimlerin bekkemlewden ibarat boldı. Ilaj dawamında kafedra baslıǵı Rauaj Bauetdinov shıǵıp sóylep, Ózbekstan Respublikası Mámleketlik bayraǵınıń jaratılıw tariyxı, ondaǵı reńler hám belgilerdiń mazmun-mánisi, sonday-aq, bayraǵımızdıń mámleketimiz ǵárezsizligi, milliy ózligimiz hám xalqımız birliginiń tımsalı sıpatındaǵı áhmiyeti haqqında tıńlawshılarǵa tolıq maǵlıwmat berdi. Sonday-aq, bayraq — xalqımızdıń maqtanıshı ekeni, onı húrmet etiw hár bir puqaranıń muqaddes minneti ekeni ayrıqsha atap ótildi.

Back To Top
Click to listen highlighted text!