Mámleketimizde tariyxıy estelikti qásterlep saqlaw, repressiya qurbanlarınıń esteligin húrmetlew jáne jas áwlad qálbinde Watanǵa sadıqlıq, milliy maqtanısh sezimlerin qáliplestiriwge ayrıqsha itibar qaratılmaqta. Usı baslama sheńberinde Berdaq atındaǵı Qaraqalpaq mámleketlik universiteti janında jumıs alıp barıp atırǵan “Repressiya qurbanları esteligi” muzeyinde “Keleshek saatı” sabaqları shólkemlestirildi. Sabaqlar “Pedagogika, psixologiya hám tálim texnologiyaları” kafedrası professor-oqıtıwshıları tárepinen “Tariyxıy muzeyge sayaxat” atamasında alıp barıldı. “Keleshek saatı” sabaqları dawamında repressiya jıllarında xalıq, Watan hám ádillik jolında janın pidá etken mıńlaǵan watanlaslarımızdıń esteligi eske alınıp, olardıń atların máńgilestiriw baǵdarında ámelge asırılıp atırǵan jumıslar haqqında tolıq maǵlıwmat berildi.
