A.Avloniy atındaǵı Pedagogikalıq sheberlik milliy institutında aymaqlıq Pedagogikalıq sheberlik oraylarınıń professor-oqıtıwshıları, bólim baslıqları hám qánigeleri ushın qánigeligin arttırıw kursları shólkemlestirildi. Bul kurslarda respublikanıń barlıq aymaqlarındaǵı Pedagogikalıq sheberlik oraylarınıń wákilleri qatnasıp, óz kásiplik bilim hám kónlikpelerin jáne de jetilistirmekte. Olardıń qatarında Qaraqalpaqstan Respublikası Pedagogikalıq sheberlik orayınıń professor-oqıtıwshıları, bólim baslıqları hám qánigeleri de belsene qatnaspaqta. Oqıw sabaqları zamanagóy oqıw reje tiykarında shólkemlestirilip, aldınǵı pedagogikalıq texnologiyalar hám innovaciyalıq bilimlendiriw metodları tiykarında alıp barılmaqta. Sonday-aq, qánigelik arttırıw kursları sheńberinde sırt elli hám xalıqaralıq ekspertlerdiń qatnasıwında seminar hám treningler ótkerilmekte. 
