Qaraqalpaqstan Respublikası Pedagogikalıq sheberlik orayında muzıka páni tıńlawshıları arasında “Zakawat” intellektuallıq oyını shólkemlestirildi. Jarısta 4 komanda qatnastı. Maqset: tıńlawshılardıń bilim hám kózqarasın keńeytiw, logikalıq hám tez pikirlew qábiletin rawajlandırıw, sonday-aq, toparda islew kónlikpelerin bekkemlew. Qızǵın pikir-talaslarǵa bay bolıp ótken bellesiwde qatnasıwshılar ózleriniń bilim hám intellektuallıq potencialın, operativ pikirlew hám logikalıq oylawın kórsetti. Bul intellektuallıq oyın Mektepke shekemgi, baslawısh hám arnawlı tálim metodikaları kafedrasınıń aǵa oqıtıwshısı, muzıka mádeniyatı páni oqıtıwshısı Manzura Seytjanova tárepinen shólkemlestirildi.
