16-sentyabr – Xalıqaralıq ozon qatlamın qorǵaw kúni múnásibeti menen Qaraqalpaqstan Respublikası Pedagogikalıq sheberlik orayında “Anıq hám tábiyıy pánler metodikası” kafedrasınıń baslaması menen ximiya páni tıńlawshılarınıń qatnasıwında ilaj shólkemlestirildi Ilajdıń tiykarǵı maqseti – tıńlawshılardıń Jer ekosisteması hám insan salamatlıǵın qorǵawdaǵı ozon qatlamınıń áhmiyeti haqqındaǵı bilimlerin keńeytiw, ozon qatlamınıń jemiriliw sebepleri hám aqıbetleri, oǵan tásir etiwshi faktorlar boyınsha ilimiy túsiniklerin bekkemlew jáne ekologiyalıq juwapkershilikti arttırıwdan ibarat. 🧪 Ilaj dawamında ozon qatlamınıń jemiriliw sebepleri hám aqıbetleri, ozon qatlamına tásir etiwshi faktorlar, sonday-aq, ozon qatlamın úyreniwde jasalma intellekt texnologiyalarınan paydalanıw imkaniyatları boyınsha maǵlıwmatlar usınıldı. 🔬 Temani ámeliy jaqtan sáwlelendiriw maqsetinde “Elementler oyını,” “Sakura teregi” hám ” Shırpısiz ot jaģiw” sıyaqlı ximiyalıq tájiriybeler kórsetilip, olardıń ilimiy tiykarları túsindirildi.
