MENTOR-TRENERLER 3 KÚN DAWAMINDA NELERDI ÚYRENDI?

Qaraqalpaqstan Respublikası Pedagogikalıq sheberlik orayında shólkemlestirilgen 3 kúnlik “Mentor-trenerlerdi tayarlaw boyınsha trening” dawamında qatnasıwshılar tájiriybeli master-trenerlerden zamanagóy metod hám pedagogikalıq texnologiyalardı úyrendi. 🔹 SEL tiykarında pedagogtıń kásiplik abadanlıǵın támiyinlew usılları; 🔹 “Keleshek saatları” nátiyjeliligin arttırıwda pedagogtiń roli; 🔹 klass ámeliyatın izertlew hám dálillerge tiykarlangan bilim beriwdi shólkemlestiriw texnologiyaları; 🔹 bilim beriw procesin pedagogikalıq refleksiya tiykarında analizlewdiń zamanagóy qatnasları; 🔹 UDL principleri tiykarında inklyuziv bilimlendiriwdi qollap-quwatlaw metodikası; 🔹 oqiwshilar nátiyjelerin jaqsılawga qaratilgan bahalaw principleri; 🔹 pedagogikalıq xizmette jasalma intellektten paydalanıwdıń etikalıq hám huqiqiy tiykarları; 🔹 jetilistirilgen oqiw bagdarlamaları, jana oqiw rejeleri hám sabaqlıqlardı bilim beriw procesine engiziw metodikası; 🔹 PISA hám TIMSS sıyaqlı xalıqaralıq bahalaw bagdarlamaları talapların pán mazmunına integraciyalaw jolları. Sonday-aq, sabaqlar dawamında qatnasıwshılar óz-ara tájiriybe almasıw, zamanagóy metodlardı ámeliyatta qollanıw hám pedagoglarǵa nátiyjeli metodikalıq járdem kórsetiw boyınsha zárúr kompetenciyalardı bekkemledi. ➡️ 3 kúnlik trening – tájiriybe almasıw, jańa metodlardı úyreniw hám mentorlıq sheberligin rawajlandırıw ushın áhmietli ámeliy maydan boldı. _