XOSh XABAR! ⚡Pedagogikalıq sheberlik orayınıń aǵa oqıtıwshısı “Xalq ta’limi a’lochisi” kókirek belgisi menen sıylıqlandı

Ózbekstan Respublikası Prezidentiniń tiyisli qararına muwapıq, 1-oktyabr — Muǵallimler hám ustazlar kúni múnásibeti menen Qaraqalpaqstan Respublikası Pedagogikalıq sheberlik orayı “Pedagogika, psixologiya hám tálim texnologiyaları” kafedrasınıń aǵa oqıtıwshısı Yusupov Quwanısh Dauletbaevich Ózbekstan Respublikası “Xalq ta’limi a’lochisi”” kókirek belgisi menen sıylıqlandı. Bul sıylıq ustazdıń tálim-tárbiya tarawındaǵı kóp jıllıq nátiyjeli miyneti, joqarı pedagogikalıq sheberligi, kásibine sadıqlıǵı hám bilimlendiriwdiń sapasın arttırıw jolındaǵı pidákerlik jumısınıń múnásip bahalanıwı bolıp esaplanadı. Qaraqalpaqstan Respublikası Pedagogikalıq sheberlik orayınıń jámááti Yusupov Quwanısh Dauletbaevichtı usı joqarı sıylıq penen qızǵın qutlıqlaydı. Ustazǵa aldaǵı jumıslarında úlken tabıslar, jańa jetiskenlikler hám tabıslar tileymiz!