“Sawatlı pedagog” diktant tańlawı ótkerildi

Qaraqalpaqstan Respublikası Pedagogikalıq sheberlik orayında 21-oktyabr – Ózbek tili bayramın múnásip belgilew, mámleketlik tildiń abırayın hám statusın arttırıw, ózbek tilin keńnen úgit-násiyatlaw maqsetinde “Sawatlı pedagog” atamasında diktant tańlawı shólkemlestirildi. Tańlawda orayda qánigelik arttırıp atırǵan inglis tili, tariyx, qaraqalpaq tili hám ádebiyatı hám rus tili pánleri tıńlawshıları qatnasıp, ózbek tilinde jazba sawatlılıq, imla qaǵıydalarına ámel etiw hám pikirdi durıs bildiriw kónlikpelerin sınaqtan ótkerdi. Tańlaw juwmaǵında qatnasıwshılardıń jazba jumısları tekserilip, nátiyjeler juwmaqlandı hám jeńimpaz tıńlawshılar anıqlandı.