Qaraqalpaqstan Respublikasınıń alıs aymaqlarında mektepke shekemgi bilimlendiriw shólkemleri pedagogları ushın mobil qánigelik arttırıw xızmetleri izbe-iz dawam etpekte. Gezektegi oqıw sabaǵı Taxtakópir rayonı Ózbekstan awıl puqaralar jıyını aymaǵındaǵı «Nawshe» shańaraqlıq mektepke shekemgi bilimlendiriw shólkeminde bolıp ótti. Qaraqalpaqstan Respublikası Pedagogikalıq sheberlik orayınıń “Mektepke shekemgi, baslawısh hám arnawlı tálim metodikaları” kafedrasınıń aǵa oqıtıwshıları Gulzada Matjanova hám Gulparshin Orınbaeva tárepinen “Aqlvoy” mobil qánigelik arttırıw avtobusi arqalı tárbiyashılar ushın “Tábiyattı qádirlep asırayıq, Jer planetası — ulıwma úyimiz!” atamasında metodikalıq-ámeliy shınıǵıwlar ótkerildi. Onda tábiyattı qásterlep saqlaw, ekologiyalıq mádeniyattı qáliplestiriw, qorshaǵan ortalıqqa juwapkershilikli qatnastı rawajlandırıw hám bul túsiniklerdi mektepke shekemgi jastaǵı balalardıń sanasına sińdiriwdiń nátiyjeli usılları dodalandı. Ámeliy sabaqlar dawamında tárbiyashılar óz ara tájiriybe almasıp, tálim-tárbiya procesinde qollanılıwı múmkin bolǵan jańa metodikalıq kózqaraslar menen tanıstı. 
Uqsas jańalıqlar
🎭 SAXNADAǴÍ TURMÍSLÍQ HAQÍYQATLÍR
