Qaraqalpaqstan Respublikası Pedagogikalıq sheberlik orayınıń Pánlerdi rawajlandırıw bólimi tárepinen geografiya páni muǵallimleriniń kásiplik bilim hám kónlikpelerin jetilistiriw, pándi oqıtıwda zamanagóy pedagogikalıq texnologiyalardan nátiyjeli paydalanıw maqsetinde geografiya páni boyınsha qánigeligin arttırıw kursı tıńlawshıları ushın «Ázerbayjan tájiriybesi tiykarında geografiya bilimlendiriwindegi zamanagóy qatnaslar» temasında sheberlik sabaǵı shólkemlestirildi. Sheberlik sabaǵın Ázerbayjan Respublikasında xalıqaralıq qánigeligin arttırıw dástúrinde qatnasıp qaytqan Anıq hám tábiyiy pánler metodikası kafedrası docenti G. Jiemuratova alıp bardı. Sabaq dawamında tıńlawshılarǵa Ázerbayjan bilimlendiriw sistemasında geografiya pánin oqıtıw boyınsha aldınǵı tájiriybeler, zamanagóy pedagogikalıq qatnaslar hám oqıwshılardıń geografiyalıq bilimlerin rawajlandırıwǵa qaratılǵan nátiyjeli metodlar haqqında maǵlıwmatlar berildi. Sheberlik sabaǵında Ázerbayjan hám Ózbekstan geografiya sabaqlıqlarınıń mazmunı salıstırmalı túrde talqılandı. Atap aytqanda, sabaqlıqlardaǵı temalardıń sáwleleniwi, geografiyalıq kartalar, sxemalar, diagrammalar hám kórgizbeli materiallardan paydalanıw ózgeshelikleri, teoriyalıq bilimlerdi ámeliy shınıǵıwlar menen baylanıstırıw usılları dodalandı. Sonday-aq, interaktiv metodlar hám toparlıq tapsırmalar tiykarında tıńlawshılar óz ara pikir alısıp, eki mámlekettiń geografiya sabaqlıqlarındaǵı uqsas hám ózgeshe táreplerdi úyrendi. Xalıqaralıq tájiriybelerdi milliy tálim procesine engiziw hám olardan pedagogikalıq ámeliyatta nátiyjeli paydalanıw imkaniyatları boyınsha pikir almastı. 
ÁZERBAYJAN TÁJIRIYBESI: BILIMLENDIRIWDE ZAMANAGÓY QATNASLAR
Back To Top