♦️Házirgi waqıtta Taxtakópir rayonındaǵı 5-sanlı ulıwma bilim beriw mektebinde UNICEF, Google for Education hám STEM Solution birge islesiwinde IŞONÇ 2030 joybarı sheńberinde “Google bilimlendiriw quralları arqalı sanlı inklyuziya hám bárshe ushın qolaylı bilimlendiriw” temasında trening bolıp ótpekte. 💻 Chromebook, Google Workspace for Education, Gemini jasalma intellekti… Bular endi tek ǵana texnologiyalar emes, al bilimlendiriw procesin jáne de qolaylı, nátiyjeli hám hámme ushın ashıq etiwge xızmet etetuǵın imkaniyatlar bolıp esaplanadı. Trening dawamında pedagoglar sanlı qurallardan paydalanıw, jasalma intellekt imkaniyatların sabaq procesine engiziw hám hár bir oqıwshınıń individual talapların esapqa alǵan halda bilimlendiriw ortalıǵın shólkemlestiriw boyınsha ámeliy bilim hám kónlikpelerdi iyelemekte. Treningda Qaraqalpaqstan Respublikası Pedagogikalıq sheberlik orayı Anıq hám tábiyǵıy pánler metodikası kafedrası aǵa oqıtıwshısı Dilfuza Qutlımuratova hám Metodikalıq xızmet kórsetiw bólimi metodisti Abdikadir Bayniyazov trener sıpatında qatnaspaqta. 
🔴 #LIVE #ISHONCH_2030 🌐 SANLÍ BILIMLENDIRIW — INKLYUZIV KELESHEK SARÍ!
Back To Top