Click to listen highlighted text!

Nókis qalasında “Metodikalıq sheberlik kúni” sheńberinde ámeliy seminar-trening ótkerildi

20.11.2026 17:04:41 24 Баспаға шығарыў

Qaraqalpaqstan Respublikası Pedagogikalıq sheberlik orayınıń metodistleri tárepinen Nókis qalasındaǵı tayanısh mámleketlik mektepke shekemgi bilimlendiriw shólkemlerinde “Metodikalıq sheberlik kúni” sheńberinde gezektegi ámeliy seminar-trening shólkemlestirildi. Ilajda mektepke shekemgi bilimlendiriw shólkemleriniń direktor orınbasarları belsene qatnasıp, óz-ara tájiriybe almasıw, aldınǵı metodikalıq kózqaraslar menen tanısıw hám ámeliy kónlikpelerin bekkemlew imkaniyatına iye boldı. Seminar dawamında mektepke shekemgi bilimlendiriw shólkemlerinde metodikalıq jumıslardı nátiyjeli shólkemlestiriw, tálim-tárbiya procesiniń sapasın arttırıw, sonday-aq, balalardıń erkin pikirlewi hám dóretiwshilik qábiletlerin rawajlandırıwda estetikalıq tárbiyanıń áhmiyeti boyınsha ámeliy usınıslar berildi. Sonday-aq, Pedagogikalıq sheberlik orayınıń mektepke shekemgi bilimlendiriw baǵdarınıń metodisti A.Otarbaev hám metodist U.Matmuratovlar aldıńǵı tájiriybeleri, nátiyjeli ámeliy qollanbaları hám metodikalıq usınısları menen bólisti. 

Back To Top
Click to listen highlighted text!