ÓZBEKSTAN RESPUBLIKASI MEKTEPKE ShEKEMGI HÁM MEKTEP BILIMLENDIRIWI MINISTRLIGI
QARAQALPAQSTAN RESPUBLIKASÍ PEDAGOGLARDÍ JAŃA METODIKALARǴA ÚYRETIW MILLIY ORAYÍ
“Jańa metodikalar: zamanagóy pedagoglardıń kásiplik hám jeke rawajlanıwınıń kepilligi” atamasındaǵı xalıqaralıq (onlayn/offlayn) ilimiy-ámeliy konferenciyası
XABARNAMASI
Ózbekstan Respublikası Prezidentiniń 2022-jıl 11-maydaǵı “2022-2026-jıllarda xalıq bilimlendiriwin rawajlandırıw boyınsha milliy baǵdarlamasın tastıyıqlaw haqqında”ǵı PP-134-sanlı Pármanı hám pedagogikalıq oraydıń jıllıq is-jobasına muwapıq 2023-jılı 24-mayda Qaraqalpaqstan Respublikası pedagoglardı jańa metodikalarǵa úyretiw milliy orayında “Jańa metodikalar: zamanagóy pedagoglardıń kásiplik hám jeke rawajlanıwınıń kepilligi” atamasında xalıqaralıq (onlayn/oflayn) ilimiy-ámeliy konferenciyası ótkeriledi.
Xalıqaralıq ilimiy-ámeliy konferenciya videokonferenciya tárizinde ótkeriliwi jobalastırılǵan hám bayanatshılar qatnasıwı ushın Zoom siltemesi usınıs etiledi.
Konferenciya tilleri: ózbek, qaraqalpaq, rus hám inglis
Konferenciyanıń maqseti: Konferenciya pedagogika ilimiy baǵdarı menen baylanıslı bolıp, onda pedagoglardı kásiplik hám jeke rawajlandırıw, sonday-aq, respublikamızda bilimlendiriw tarawında alıp barılıp atırǵan reformalar boyınsha ara pikir almasıw, jas alım, magistrant, doktorant hám ilmiy izleniwshilerdiń ilimiy-izertlew jumıslarınıń sapası hám nátiyjeliligin arttırıw, respublika jas alımlarınıń tájiriybelerin úyreniw máselelerin talqılaw hám de aldınǵı texnologiyalardan paydalanıw boyınsha usınıslar jaratıw.
Konferenciyada tómendegi sekciyalar boyınsha jumıs alıp barıw jobalastırılǵan:
1-sekciya.Pedagogika, psixologiya hám metodika tarawındaǵı sońǵı jańalıqlar hám xalıq-aralıq tájiriybeler
2-sekciya.Oqıw-tárbiya protsesin nátiyjeli shólkemlestiriwdiń zamanagóy túrleri
3-sekciya.Oqıw-tárbiya protsesinde sanlı texnologiyalardan paydalanıw máseleleri
4-sekciya. Mektep oqıtıwshılarınıń oqıw protsesine qızıǵıwshılıǵın qollap-quwatlaw hám jeke intellektual rawajlanıwın támiyinlew máseleleri
5-sekciya. Jańa metodikalardı engiziw–pedagoglardıń kásiplik rawajlanıwınıń tiykarǵı faktorı
Konferenciya materialları 2023-jıldıń 20-may sánesine shekem qabıl etiledi.
Materiallardı rásmiylestiriwge qoyılatuǵın talaplar:
Konferenciya materialları toplam formasında basıp shıǵarıw jobalastırılǵan.
Maqala kólemi 3 betten kem bolmawı talap etiledi.
Tekst ózbek, qaraqalpaq, inglis hám rus tillerinde Microsoft Word redaktorınan paydalanǵan halda Times New Roman shriftinde, 14 pt ólshem, 1,5 interval aralıǵında, tómennen hám joqarıdan 2,0 sm, shepten 3,0 sm, ońnan 1,5 sm qaldırılǵan halda jazıladı.
Barlıq siltemeler tik qawıs ishinde avtordıń familiyası hám beti kórsetiledi: [1,62-b].
Bayan etilgen maǵlıwmatlardıń ilimiy-teoriyalıq hám metodologiyalıq tiykarlanǵanlıǵına avtor juwapker.
Maqala ústinde ortadan qalıń úlken háripler menen maqalanıń atı, keyingi qatarda kishkene háripler menen ortadan avtordıń familiyası, atı, ilimiy dárejesi hám lawazımı, keyingi qatarda jumıs ornı hám mánzili jazıladı.
Konferenciya materialları elektron toplam kórinisine keltiriledi hám pedagogikalıq oraydıń https://kkrpm.uz saytına júklenedi.
Konferenciyaǵa materiallar menen qatnasıw biypul.
Bir avtor birgelikte avtorlıqtı qosqanda 2 maqaladan artıǵına qatnasa almaydı.
Materiallar telegram mánzili arqalı elektron variantta qabıl etiledi.
Talapqa juwap bermeytuǵın maqala tezisleri konferenciya baǵdarlamasına hám toplamǵa kirgizilmeydi hám avtorlarǵa qaytarılmaydı.
Konferenciya materialların qabıllaw ushın juwapkerler:
Xudaybergenov Baxıt (93) 889-48-50
Eshmuratova Gulnaz (90) 706-77-84
Adres: 230105. Qaraqalpaqstan Respublikası. Nókis qalası, Ernazar Alakóz kóshesi, 54-jay
