Hár jılı úlkemizge báhár máwsimi keliwi menen birge ózbek xalqınıń súyikli shayırı, gózzallıq jırshısı Zulfiya Israilovanıń tuwılǵan kúni elimizde keń túrde belgilenedi. Usı múnásibet penen Qaraqalpaqstan Respublikası pedagoglardı jańa metodikalarǵa úyretiw milliy orayında «Social-ekonomikalıq pánler metodikası» kafedrası tárepinen shayır dóretiwshiligine baǵıshlanǵan keshe shólkemlestirildi.
Onda sózge shıqqanlar, shayırdıń ómir jolı, dóretiwshilik miynetleri haqqında jıynalǵanlarǵa keń túrde maǵlıwmat berdi.
Mámleketimizde 1999-jıldan baslap Prezident pármanı menen Zulfiya atındaǵı mámleketlik sıylıqtıń shólkemlestirilgenligin hám sol waqıttan berli bilimli hám talantlı qızlar arasınan hár qıylı baǵdarlarda laureatlar jetisip shıǵıp atırǵanlıǵın maqtanısh penen aytıp ótti.
Keshe dawamında tıńlawshılar tárepinen shayır dóretiwshiliginen qosıqlar oqılıp, saxnalıq kórinisler qoyıp berildi.
