«Social-ekonomikalıq pánler metodikası» kafedrası tárepinen da ulıstıń ullı kúni, shıǵıs xalıqlarınıń jańa jıl bayramı, jasarıw hám jańalanıw áyyyamı – Nawrız ulıwma xalıqlıq bayramına baǵıshlanǵan ruwxıylıq  ilajı shólkemlestirildi.

Pedagogikalıq orayda Nawrız bayramı bolıp ótti
Usı jıldıń 16-mart sánesinde Qaraqalpaqstan Respublikası pedagoglardı jańa metodikalarǵa úyretiw milliy orayı «Social-ekonomikalıq pánler metodikası» kafedrası tárepinen da ulıstıń ullı kúni, shıǵıs xalıqlarınıń jańa jıl bayramı, jasarıw hám jańalanıw áyyyamı – Nawrız ulıwma xalıqlıq bayramına baǵıshlanǵan ruwxıylıq ilajı shólkemlestirildi.
Ruwxıylıq ilajında «Social-ekonomikalıq pánler metodikası» kafedrası professor-oqıtıwshıları hám kurs tıńlawshıları tárepinen tayarlanǵan shıǵıs kalendarı boyınsha jańa jıl bayramınıń kelip shıǵıw tariyxı, bayramnıń xalqımız turmısındaǵı ornı hám áhmiyeti haqqında mazmunlı bayanatlar tıńlandı. Qatnasıwshılardı tınıshlıq, tatıwlıq hám awızbirshiliktiń belgisi bolǵan Nawrız áyyyamı menen barlıq tıńlawshılardı qızǵın qutlıqladı.
Tariyx toparı kurs tıńlawshıları tárepinen Nawrız bayramınıń shırayına shıray, kórkine-kórk qosatuǵın hám ózgeshe mazmun baǵıshlaytuǵın milliy úrip-ádet dástúrlerimizdi ózinde sáwlelendirgen saxnalıq kórinisler, milliy qosıqlar, ayaq oyınlar atqarıldı.