Tájiriybeli oqıtıwshınıń ashıq sabaǵı

Ashıq sabaq Tájiriybeli oqıtıwshınıń ashıq sabaǵı Pedagogikalıq oraydıń «Social-ekonomikalıq pánler metodikası» kafedra baslıǵı t.i.k. R.Bawetdinov Tariyx oqıtıwshıları úzliksiz kásiplik rawajlandırıw kursında «Tariyx sabaqlarında birgelikte oqıtıw texnologiyalarınan paydalanıw. Oqıwshılardıń bilim, kónlikpe, uqıplılıq hám kompetenciyaların rawajlanǵanlıq dárejesin bahalawdaǵı jańasha qatnaslar oqıw sabaǵınıń texnologiyalıq modeli» temasında ashıq sabaǵı bolıp ótti. Sabaqtıń maqseti tıńlawshılarda Tariyx sabaqlarında birgelikte oqıtıw texnologiyalarınan paydalanıw hám treningler shólkemlestiriw boyınsha ámeliy kónlikpeler payda etiw, oqıwshılardıń bilim, kónlikpe, uqıplılıq hám kompetenciyaların rawajlanǵanlıq dárejesin bahalawdaǵı jańasha qatnaslardı ózinde jámlegen, Ózbekstan Respublikası Mektepke shekemgi hám mektep bilimlendiriwi ministriniń 2023-jıl 16-avgustta «Tájiriybe-sınaw mekteplerinde bilimdi bahalawdıń jańa tártibin engiziw haqqında»ǵı 248-sanlı buyrıǵınıń mazmunı, onda belgilengen wazıypalar menen tanıstırıw, bahalawdıń jańa strategiyaları haqqında pikirlesiw, oqıwshılardıń oqıw iskerligi, bilim jáne kompetenciyaların bahalawdıń usıl hám jolları boyınsha kórsetpeler beriwden ibarat. Ashıq sabaq dawamında birgelikte oqıtıwdıń quramlıq bólimleri; ózara dóretiwshilik hám dóretiwshilik baylanıslılıq; jeke juwapkershilik, bir-birine xoshametlewshi tásir kórsetiw, nátiyjeli talqılaw, topar jumısın nátiyjeli shólkemlestiriw hám nátiyjeni analizlew. Trening sabaqların shólkemlestiriw qaǵıydaları: oqıw-tárbiya procesin anıq kóz aldına keltiriw, jaratılǵan ideyalardı, jańalıqlardı ámeliyatqa nátiyjeli engiziw jolları. Tariyx sabaqlarında birgelikte oqıtıw texnologiyalarınan paydalanıw boyınsha ámeliy kónlikpelerge iye boldı. Kútiletuǵın nátiyjeler: – Tariyx sabaqlarında birgelikte oqıtıw texnologiyaları hám treningler ótkeriw boyınsha ámeliy kónlikpelerge iye boldı; – oqıwshılardıń bilim, kónlikpe, uqıplılıq hám kompetenciyaların rawajlanǵanlıq dárejesin bahalawdaǵı jańasha qatnaslar haqqında maǵlıwmatlarǵa iye boldı; -Ózbekstan Respublikası Mektepke shekemgi hám mektep bilimlendiriwi ministriniń 2023-jıl 16-avgustta «Tájiriybe-sınaw mekteplerinde bilimdi bahalawdıń jańa tártibin engiziw haqqında»ǵı 248-sanlı buyrıǵınıń mazmunı, onda belgilengen wazıypalar menen haqqında bilip aldı; -bahalawdıń jańa strategiyalarınıń engiziliw sebeplerin túsindi; -oqıwshılardıń oqıw iskerligi, bilim jáne kompetenciyaların bahalawdıń usıl hám jolları boyınsha ámeliy kónlikpelerge iye boldı. Ashıq sabaq dawamında tıńlawshılar ózlerin qızıqtırǵan sorawlarǵa juwap aldı.