Franciyanıń Ózbekstandaǵı elshixanası tárepinen jollanǵan 0183121-sanlı xatı tiykarında Ózbekstan Respublikası mektepke shekkemgi hám mektep bilimlendiriw ministrliginiń 2024-jılı 2-may kúngi 139-sanlı «Ulıwma bilim beriw mekteplerdegi francuz tili páni oqıtıwshılarınıń potencialın arttırıwǵa jóneltilgen bilimin jetilistiriw kursların shólkemlestiriw haqqında» buyrıǵı qabıllanıp, bunda ulıwma bilim beriw mekteplerdegi francuz tili páni oqıtıwshılarınıń potencialın arttırıw eki jılǵa mólsherlengen dástúr joybarı sheńberinde ámelge asırıw rejelestirilgen. Bul joybar sheńberinde bilimin jetilistiriw kursları Franciyanıń Ózbekstandaǵı elshixanası tárepinen tórt basqıshta shólkemlestiriledi. Búgin Qaraqalpaqstan Respublikası pedagoglardı jańa metodikalarǵa úyretiӯ milliy orayında respublikamızdaǵı ulıwma orta bilim beriw mekteplerinen 20 Francuz tili páni oqıtıwshıları “Ev@lang” platforması arqalı 1-basqısh test sınawlarına qatnastı. Birinshi basqıshta joybarda qatnasqan talabanlar “Ev@lang” platforması arqalı, Pedagoglardı jańa metodikalarǵa úyretiw milliy oraylarında test tapsıradı hám test nátiyjelerine muwapıq barlıq aymaqlardan jámi 400 dana oqıtıwshılar tańlap alınadı; Ekinshi basqıshda tańlap alınǵan oqıtıwshılar Franciyanıń tájiriybeli qánigeleri tárepinen Tashkent hám Samarqand farancuz alyanslari mámleketlik emes bilimlendiriw shólkemlerinde 30 saatlıq oflayn hám de 15 saatlıq onlayn qánigeligin arttırıw oqıw kurslarında oqıtıladı; Úshinshi basqıshda oflayn hám onlayn qánigeligin arttırıw kurslarında qatnasqan oqıtıwshılar 60 saatlıq oqıw (stajirovka) kurslarına Franciyanıń abıraylı joqarı oqıw ornılarına jiberiledi; Tórtinshi basqıshda Tashkent hám Samarqand francuz alyanslarındaǵı mámleketlik emes bilimlendiriw shólkemlerinde joybarda qatnasqan barlıq francuz tili páni oqıtıwshıları DELF/DALF xalıq aralıq imtixanların tapsıradı. Imtixan nátiyjelerine muwapıq olarǵa DELF/DALF xalıq aralıq diplomları beriledi.
