Kóp kitap oqıǵan tıńlawshı «Alǵısnama» menen sıylıqlandı

Usı jılı 23–may kúni  Qaraqalpaqstan Respublikası pedagoglardı jańa metodikalarǵa úyretiw milliy orayınıń jataqxanasındaǵı tılawshılardıń bos waqıtların mazmunlı ótkeriw maqsetinde «Social-ekonomikalıq pánler metodikası» kafedrası professor-oqıtıwshıları tárepinen  “Kitaplar dúnyasına sayaxat” atamasında  ashıq sáwbet ótkerildi. Onda  kafedra baslıǵı Rawaj Bawetdinov, Málimleme-resurs orayı bas qánigesi T.Orazov sózge shıǵıp, elimizde kitapqumarlıqtı arttırıw boyınsha ámelge asırılıp atırǵan ilajlar,  kitaptıń insan ómirindegi áhmiyeti, kitap oqıw arqalı insannıń ruwxıy dúnyası bayıp,  bartuǵınlıǵı aytıp ótti. Házirgi waqıtta Pedagogikalıq oraydıń Málimleme-resurs orayı fondında 15 838 oqıw ádebiyatları bar. Solardan 15 483 danası kórkem ádebiyatlar, 500 den aslam elektron kitaplar,  335 danası metodikalıq qollanbalar, esaplanadı. Pedagogikalıq oraydıń professor-oqıtıwshıları tárepinen tayarlanǵan oqıw hám metodikalıq qollanbalar qaǵaz jáne elektron variantta málimleme-resurs orayına tapsırılǵan. Tıńlawshılar bul materiallardan ózleriniń bilimlerin jetilistiriw ushın paydalanıp kelmekte. Ilajda  tıńlawshılardıń  eń sońǵı oqıǵan ádebiy kitapları haqqında sáwbetlesip, olardı  logikalıq sorawlar arqalı sınaqtan ótkerdi hám juwaplardan kewili tolǵan, kóp kitap oqıǵan  tıńlawshılardı «Alǵısnama» menen sıylıqladı.