«Boljawlar teregi» atamasında seminar-trening shólkemlestirildi

Mektepke shekemgi, baslawısh hám arnawlı tálim metodikaları kafedrası oqıtıwshısı T.Aymuxammedova tárepinen professor-oqıtıwshılarǵa «Boljawlar teregi» atamasında seminar-trening shólkemlestirildi. «Boljawlar teregi» usılın amerikalı alım Dj.Bellans tárepinen kórkem tekst penen islesiw maqsetinde oylap tabılǵan. Bul usıldı sabaqlarda oqıw hám jazıw arqalı kritikalıq pikirlewdi rawajlandırıwǵa qarata qollanadı. Bul usıldıń strategiyası: kórkem oylaw, argument hám faktlerdi salıstırıw, fantaziya hám perspektivalıq oylawdı rawajlandırıwǵa járdem beredi. « Sabaqlarda qollanılıwda tekstti úyrenip shıǵıwda (ádebiyat, geografiya, tariyx) qollanıladı. Bunda tekstti aqırına shekem oqımay, teksttiń juwmaǵın boljawlar teregine salıw. Grammatikalıq temanı bekkemlewde, mısalı anglichan tili sabaqlarında, feyildiń keler máháli formaların úyreniwde,taza temanı úyreniwde, mısalı matematika sabaǵında, pifagor teoremasın úyrengende qanday aksiomalardı qollansa bolatuǵınlıǵın boljawdı.Taza temanı bekkemlewde hám bilimlerdi qadaǵalawda (huqıqtanıw, tariyix, biologiya h.t.b)Refleksiya ótkeriwde. Mısalı sabaq basında, kútiwlerdi keltirip shıǵarıw ushın(bular tema, emociyalar, islew tiyis bolǵan jumıslar). Seminar-treningte professor-oqıtıwshılar «Boljawlar teregi» usılında sorawlar dúzip, analiz hám sintezlew, xabardı úyrenip shıǵıw, izertlew metodların úyreniw, ideyalar generaciyası, ideyalar, nárse hám hádiyseler ara baylanıs júritiw, analiz hám mashqalanı júzege shıǵarıw, argumentlew hám sheshimlerdi sáwlelendiriw boyınsha kónlikpelerge iye boldı.