Ózbekstan Respublikası Mektepke shekemgi hám mektep bilimlendiriw ministr orınbasarı Sardor Radjabov xızmet saparı menen Qaraqalpaqstanǵa keldi. Sapar barısında Qaraqalpaqstan Respublikası pedagoglardı jańa mektodikalarǵa úyretiw milliy orayınıń professor-oqıtıwshıları hám metodistleri menen ushırastı.
Ushrasıwda ministr orınbasarı Ózbekstan Respublikası Mektepke shekemgi hám mektep bilimlendiriwi ministri X.Umarovanıń Ózbekstan Respublikası Prezidentine bilim beriw sapasın arttırıw hám qánegelik arttırıw sistemasın jetilistiriw boyınsha tanıstırǵan prezentaciası mazmunı haqqında túsinik berdi.
Ol mektep bilimlendiriwi sistemasında islep atırǵan basshılar hám pedagoglardıń kásiplik rawajlanıwındaǵı kútilip atırǵan ózgerisler, bul boyınsha pedagoglardıń qánigeligin arttırıwǵa zárúr sharayat jaratılıwı ushın qararı joybarı islep shıqqanlıǵı, qarar joybarında kórsetilgen máseleler haqqında keń maǵlıwmat berdi. Ushırasıw barısında professor-oqıtıwshılar hám metodistlerdıń pikir usınısları tıńlandı.
