Búgin Qaraqalpaqstan Respublikası Pedagogikalıq sheberlik orayında 21-oktyabr «Ózbek tili bayramı» kúni múnásibeti menen «Tillerdi oqıtıw metodikası» kafedrası tárepinen «Ózbek tiline húrmet» atamasında bayram keshesi ótkerildi. Dáslep Ózbekstan hám Qaraqalpaqstan Respublikalarınıń mámleketlik gimnleri jańladı. Kesheni Oraydıń «Tillerdi oqıtıw metodikası» kafedrası baslıǵı S.Matekeev ashıp berip, jıynalǵanlardı bayram múnásibeti menen qutlıqladı. Ózbek tiliniń mámleketlik til sıpatında rawajlanıwına baylanıslı bayanatlar tıńlandı. 
Bayanatlarda atap ótilgenindey, til – xalıqtıń tariyxın, úrp-ádet hám salt-dástúrlerin ózinde jámlegen biybaha ǵáziynesi bolıp tabıladı. Sebebi, hár bir xalıqtıń ózligin ańlawda, jámiyettiń rawajlanıwında, insanlar arasındaǵı qarım-qatnastı támiyinlewde til oǵada áhmiyetli orın iyeleydi. Sonlıqtan da, xalqımız arasında «Til – millettiń ruwxıy baylıǵı», «Til jasasa, millet jasaydı», «Tilge itibar – elge itibar» degen túsinikler júdá keń tarqalǵan. 
Keshe dawamında kurs tıńlawshıları tárepinen tayarlanǵan túrli qosıqlar, ayaq oyınlar, viktorinalardan ibarat ádebiy kompozitsiya qatnasıwlar názerine ushıldı. 
Dilfuza Maqsetbaeva,
QMUdıń jurnalistika fakulteti studenti
