Ózbekstan Respublikası Prezidentiniń 2024-jıl 21-iyundaǵı «Mektepke shekemgi hám mektep bilimlendiriwi mákemeleri xızmetkerlerin kásiplik rawajlandırıw sistemasın jetilistiriw boyınsha qosımsha is-ilajlar haqqında»ǵı PQ-231-sanlı qararınıń 7-bántinde hám Ózbekstan Respublikası Prezidenti Sh.M.Mirziyoevtıń basshılıǵında 2024-jıl 30-sentyabr kúni ótkerilgen videoselektor májilisiniń 41-sanlı bayanlamasınıń 11-bántinde 2025-jıl 1-yanvarǵa shekem aymaqlıq oraylarǵa abıraylı sırt el joqarı bilimlendiriw shólkemlerin pitkergen shet elli qánigelerdi tartıw wazıypası belgilengen edi.
Usı qarar tiykarında Qubla Afrikalı tájiriybeli qánigeler S’celo Velenkosini Zulu hám Monsi Richard Mokete, Qaraqalpaqstan Respublikası Pedagogikalıq sheberlik orayı direktorı V.Bekmuratovanıń máslahatshisi lawazımında jumısın basladı.
Sırt el máslahatshisi tómendegi baǵdarlarda jumıs alıp baradı:
Prezident hám qánigelestirilgen mekteplerdiń aldıńǵı tájiriybelerin ulıwma orta bilim beriw mákemelerine engiziw;
2024-2025-oqıw jılı dawamında perspektivalı wazıypalarıды belgilep alıw;
xalıqaralıq ilimiy-metodikalıq birge islesiwdi rawajlandırıw;
ulıwma orta bilimlendiriw tarawında aldınǵi xalıqaralıq tájiriybelerdi izertlew hám usınıslar islep shıģıw;
oqıw procesin rawajlandırıwǵa xizmet etiwshi ilimiy-izertlew jumısların ámelge asırıw;
pedagoglar ushın jańa metodikalardı engiziw hám kásiplik rawajlanıwdı qollap-quwatlaw.
