Qaraqalpaqstan Respublikası Pedagogikalıq sheberlik orayında korrupciyaǵa qarsı gúresiw máselelerine baǵıshlanǵan «Korrupciya – zıyanlı illet» atamasında ilaj bolıp ótti.
Onda Social-ekonomikalıq pánler metodikası kafedrası baslıǵı R.Bauetdinov, oray yuristi V.Saypov hám kafedra oqıtıwshısı S.Úsenovlar shıǵıp sóylep, usı jıldıń 5-mart kúni Ózbekstan Respublikası Prezidenti Shavkat Mirziyoev Korrupciyaǵa qarsı gúresiw boyınsha milliy keńestiń májilisinde qatnasıp, onda mámleketimizde korrupciyadan awlaq ortalıq jaratıw boyınsha ámelge asırılǵan jumıslardı talqılaǵanın, aldaǵı wazıypalar belgilep bergenligin, korrupciyanıń reformalar jolındaǵı eń úlken tosqınlıq ekenin atap ótip, keyingi jılları bul illetke qarsı gúresiw boyınsha qabıl etilgen nızamlar hám jaratılǵan jańa sistemalar haqqında aytıp ótti.
Sonday-aq, korrupciyanıń aldın alıw, onıń jámiyet hám mámleket rawajlanıwına keri tásiri, bul boyınsha nızam hújjetlerindegi juwapkershilikler haqqında túsinik berildi.
Ilajda qatnasıwshılar qızıqtırǵan máseleler ústinde pikirlesti.
