Qaraqalpaqstan Respublikası Pedagogikalıq sheberlik orayı direktorınıń xalıqaralıq másláhátshi S’celo Velenkosini Zulu tárepinen Qaraqalpaq tili hám ádebiyatı páni úzliksiz kásiplik rawajlanıw kurs tıńlawshılarına «Kriteriyaǵa tiykarlanǵan jańa bahalaw sistemasi» temasında seminar-trening ótkerildi.
Trening dawamında oqıtıwshılar oqıw procesinde bahalaw kriteriyaların durıs dúziw, olardı ámeliyatqa engiziw, sonday-aq, ashıq-aydın hám ádil bahalaw sistemasın jaratıw boyınsha aldıńǵı tájiriybeler menen tanıstı.
Sabaq interaktiv usılda ótkerilip, Formativ hám summativ bahalawda kriteriyalardan paydalanıw usılları, Oqıwshınıń individual jetiskenliklerin anıqlawda kriteriyalardıń roli haqqında keń túrde maǵlıwmat berdi.
Seminarda tıńlawshılar sabaq processlerinde jańa bahalaw mexanizmlerin sınaqtan ótkeriw hám óz-ara tájiriybe almasıw rejesin belgilep aldı.
