2025-jıl 30-iyun kúni Qaraqalpaqstan Respublikası Pedagogikalıq sheberlik orayınıń kishi májilisler zalında gezektegi ilimiy-metodikalıq keńestiń májilisi bolıp ótti. Májilisti Pedagogikalıq sheberlik orayınıń direktorı Venera Bekmuratova ashıp berdi hám alıp bardı. Kún tártibinde Oray tárepinen 2025-jıldıń birinshi yarım jıllıǵında ámelge asırılǵan jumıslardı tallaw, sonday-aq, keleshektegi wazıypalardı belgilew máseleleri dodalandı. Májiliste kafedra baslıqları hám professor-oqıtıwshılar shıǵıp sóylep, yanvar –iyun aylar aralıǵında ámelge asırılǵan jumıslar, erisilgen nátiyjeler boyınsha maǵlıwmatlar berdi. Sonday-aq, májilis dawamında ayırım kemshilikler atap ótildi hám olar boyınsha sın pikirler bildirildi. Bar kemshiliklerdi saplastırıw, jumıs nátiyjeliligin bunnan bılay da arttırıwǵa qaratılǵan áhmiyetli wazıypalar dodalandı. Májilis juwmaqları boyınsha tiyisli qararlar qabıl etilip, juwapkerlerge anıq wazıypalar júklendi. 
QARAQALPAQSTAN RESPUBLIKASÍ PEDAGOGIKALÍQ SHEBERLIK ORAYÍNDA ILIMIY-METODIKALÍQ KEŃES MÁJILISI BOLÍP ÓTTI.
Back To Top