Elimizde jas áwladtıń ruwxıy dúnyası bay, joqarı intellektuallıq potencialǵa iye bolıp kámalǵa keliwinde ayanbay miynet etip atırǵan pidayı, kásibine sadıq, jankúyer, óz ómirin perzent tárbiyası menen baylanıslı iygilikli islerge baǵıshlaǵan Sizlerdi «1-oktyabr – Muǵallimler hám ustazlar kúni» ulıwmaxalıqlıq bayramı menen Qaraqalpaqstan Respublikası Pedagogikalıq sheberlik orayı qızǵın qutlıqlaydı.
Házirgi waqıtta elimizde zaman talapları tiykarında bilimlendiriw sistemasında túpkilikli reformalar ámelge asırılmaqta. Muǵallim hám ustazlarǵa ayrıqsha itibar qaratılıwı menen birge, olardı hár tárepleme qollap-quwatlaw, oqıw-tárbiya procesine bilimlendiriwdiń innovaciyalıq túrlerin hám usılların engiziw máselesi mámleketlik siyasattıń baslı baǵdarlarınan birine aylanbaqta.
Sizlerdi elimizde keń túrde belgilenip atırǵan kásiplik bayramıńız benen jáne bir márte qızǵın qutlıqlap, bársheńizge bekkem densawlıq, shańaraqlarıńızǵa amanlıq, perzent tárbiyasınday mashaqatlı, juwapkerli, ádiwli hám iygilikli islerińizde talmas kúsh-jiger, tasqın tabıslar tileymen.
Húrmet penen, Bekmuratova Venera Djoldasbaevna
Qaraqalpaqstan Respublikası Pedagogikalıq sheberlik orayı direktorı
