Qaraqalpaqstan Respublikası Pedagogikalıq sheberlik orayınıń ulıwma orta bilim beriw mektepleriniń direktor orınbasarları – kurs tıńlawshıları Nókis qalasındaǵı Prezident mektebinde bolıp, bul bilimlendiriw mákemesinde jaratılǵan sharayatlar, oqıw procesi hám aldınǵı pedagogikalıq tájiriybeler menen jaqınnan tanıstı.
Sapardıń tiykarǵı maqseti – bilimlendiriwdiń sapasın zamanagóy talaplar tiykarında jáne de jetilistiriw, innovaciyalıq kózqaraslardı úyreniw, mektepler arasında nátiyjeli birge islesiwdi rawajlandırıw hám óz-ara tájiriybe almasıwdan ibarat.
Ilaj dawamında Ruwxıy-aǵartıwshılıq isleri boyınsha direktor orınbasarı Z. Begmuratova Prezident mektebinde oqıwshılar ushın jaratılǵan imkaniyatlar, ruwxıy-aǵartıwshılıq jumıslar sisteması hám usı baǵdarlarda alıp barılıp atırǵan ámeliy jumıslar haqqında tolıq maǵlıwmat berdi.
Sonday-aq, mektep keńesgóyi D.Dastenov mektep keńesgóyi lawazımınıń wazıypaları, oqıwshılar menen individual islesiw tártibi, psixologiyalıq-pedagogikalıq qollap-quwatlaw mexanizmleri hám bul baǵdardaǵı nátiyjeli qatnaslar haqqında óziniń tájiriybesi menen bólisti.
Ushırasıw dawamında tıńlawshılar belsene qatnasıp, ózlerin qızıqtırǵan sorawlardı berdi, oqıw procesin bunnan bılay da jetilistiriwge baylanıslı aldınǵı tájiriybeler menen tanıstı hám óz-ara pikir alısıw imkaniyatına iye boldı. 
