“Biz hadallıq tárepdarımız” – Prezident mektebinde ashıq esikler kúni

Nókis qalasındaǵı Prezident mektebinde “Biz hadallıq tárepdarımız” temasında ashıq esikler kúni shólkemlestirildi. Ilajda oqıwshılar, ustazlar, sonday-aq, Qaraqalpaqstan Respublikası Nókis rayonlar aralıq hákimshilik sudınıń sudyası, yuridikalıq ilimler doktorı (DSc), professor Qalbay Babanazarov hám Pedagogikalıq sheberlik orayınıń aǵa oqıtıwshısı Adilbay Shrazov bayanatları menen qatnastı. Ushırasıw dawamında korrupciyanıń aldın alıwǵa baylanıslı nızamshılıq talapları, sonday-aq, jaslar arasında “hadallıq mádeniyatı”n qáliplestiriwdiń áhmiyeti haqqında tolıq maǵlıwmat berildi. Maqset – keleshek áwlad sanasına hadallıq ideyaların sińdiriw hám korrupciyaǵa qarsı gúresiwde belsendilikti arttırıw.