Sizlerdi báhárdiń eń gózzal áyyamı bolǵan 8-mart – Xalıqaralıq hayal-qızlar bayramı» múnásibeti menen Qaraqalpaqstan Respublikası pedagogikalıq sheberlik orayı atınan qızǵın qutlıqlayman. Bársheńizge ózimniń eń jaqsı hám shın júrekten shıqqan tileklerimdi bildirip, bárqulla shańaraǵıńız, jaqınlarıńız benen elımızdıń ardaǵında bolıw baxtın tileymen.
Hayal-qız shańaraq hám jámiyettiń súyenishi, turmısımızdıń kórki hám mánawiyatımızdıń ólshemi bolıp esaplanadı.
Elimizde hayal-qızlardı ulıǵlaw, olardıń abıroyı hám qádir-qımbatın qádirlew ázelden milliy qádiriyatımızdıń ajıralmas bólegi bolıp kelgen.
Sizlerdiń mehir-muhabbatıńız, sabır-taqatıńız, pidayılıǵıńız hám ullı islerińiz sebepli jámiyetimizde jaqsılıq, miyrim-shápáát hám turaqlılıq bekkem ornatılmaqta. Búgin mámleketimizdiń jámiyetlik-siyasiy, ilimiy-aǵartıwshılıq hám mádeniy turmısında hayal-qızlardıń belsendiligi, umtılıwshańlıǵı hám hadal miyneti ayrıqsha itibarǵa ılayıq.
Bilimlendiriw sistemasında, atap aytqanda, jas áwladtı bárkamal etip tárbiyalaw jolında alıp barıp atırǵan jemisli miynetińiz maqtawǵa turarlı. Jáne bir márte sizlerdi usı qutlı bayram menen shın kewlimnen qutlıqlayman. Hár birińizge bekkem densawlıq, shańaraqlıq baxıt hám jumıslarıńızda úlken tabıslar tileymen. Bayramıńız múbárek bolsın!
Húrmet penen,
Kojabaeva Gulistan Talasbaevna.
Qaraqalpaqstan Respublikası pedagogikalıq sheberlik orayı direktorı
