🎗2026-yil 13-may kuni Qoraqalpog‘iston Respublikasi Pedagogik mahorat markazida «Tillarni o‘qitish metodikasi» kafedrasi tomonidan 9-may – Xotira va qadrlash kuni munosabati bilan «Mardlik hech qachon unutilmaydi» nomli ma’naviy-ma’rifiy tadbir tashkil etildi. Tadbirni kafedra mudiri S.Matekeev ochib berib, Vatan ozodligi, hozirgidek tinch va osoyishta kunlar uchun jang maydonlarida jon fido qilgan ota-bobolarimizni, front ortida fidokorona mehnat qilgan yurtdoshlarimizni xotirlab, bugungi tinch va farovon hayotni qadrlashimiz va undan samarali foydalanishimiz kerakligini ta’kidladi. yig‘ilish davomida tinglovchilar tomonidan tayyorlangan sahna ko‘rinishlari, qo‘shiqlar va tarixiy chiqishlar namoyish etildi. Urush qahramonlarining jasorati, front ortidagi fidoyilik va Vatanga muhabbat g‘oyalari badiiy chiqishlarda o‘z ifodasini topdi.
