#Metodik_zakovat ✨ “Metodik zakovat” intellektual o‘yini o‘tkazildi

Pedagoglarning kasbiy mahoratini oshirish, kreativ fikrlashini rivojlantirish hamda zamonaviy ta’lim metodlari bo‘yicha bilimlarini mustahkamlash maqsadida Metodik xizmat ko‘rsatish bo‘limi tomonidan “Metodik zakovat” intellektual o‘yini tashkil etildi. ✍️O‘yinda ingliz tili, musiqa madaniyati va texnologiya yo‘nalishlaridan jami 15 nafar tinglovchi (har bir yo‘nalishdan 5 nafardan) ishtirok etdi. Qizg‘in va murosasiz bahslar ruhida o‘tgan o‘yinda ishtirokchilarga pedagogik mahorat, zamonaviy metodlar hamda kasbiy kompetensiyalarni rivojlantirishga qaratilgan 20 ta savol taqdim etildi. Jamoalar har bir savolga 1 daqiqa davomida maslahatlashib, jamoaviy javob berdi. O‘yin davomida hakamlar hay’ati tomonidan javoblar xolisona baholab borildi. 🏆 Yakuniy natijalar: 🥇-o‘rin – Ingliz tili yo‘nalishi tinglovchilari (16 ball) 🥈-o‘rin – Texnologiya yo‘nalishi tinglovchilari (15 ball) 🥉-o‘rin – Musiqa madaniyati yo‘nalishi tinglovchilari (4 ball)  Asosiy bosqich yakunida ingliz tili va texnologiya jamoalari 13 balldan to‘plab, teng natija qayd etgani sababli g‘olibni aniqlash uchun qo‘shimcha 3 ta savol berildi.  G‘olib va sovrindor jamoalar “Húrmet jarlıǵı” hamda esdalik sovg‘alari bilan taqdirlandi.