O‘zbekiston Respublikasi Prezidentining 2023-yil 28-avgust kuni kengaytirilgan tarzda tashkil qilingan videoselektor majlisida Maktabgacha va maktab ta’limi vazirligiga Singapur va Birlashgan Arab amirligi tajribalari asosida pedagog kadrlarga kasbiy sertifikat berish tartibini ishlab chiqish topshirilgan edi.
Mazkur vazifalarning ijrosini ta’minlash maqsadida Maktabgacha va maktab ta’limi vazirining 2024-yil 10-yanvardagi 14-sonli buyrug‘i chiqarilib, malaka oshirish kursi dasturi tasdiqlandi. Hozirgi vaqtda vazirlik tomonidan malaka oshirish kursining 5-bosqichi(oxirgi bosqich) joriy yil 3- 5 dekabr kunlarida tashkil qilinmoqda.
Bugun 3-dekabr kuni malaka oshirish kursining yakuniy bosqichiga Qoraqalpog‘iston Respublikasi Pedagogik mahorat markazi professor-o‘qituvchilari qatnashmoqda.
Kurs yakunida “Uzluksiz kasbiy ta’lim” platformasi orqali sertifikatlar berilishi rejalashtirilgan.
