2025-yil 7-may kuni Qoraqalpog‘iston Respublikasi Pedagogik mahorat markazida 9-may – Xotira va qadrlash kuni munosabati bilan «Mardlar himoya qiladi Ona Vatan» mavzusida ma’naviy-ma’rifiy tadbir tashkil etildi.
Tadbirda Afg‘on urushi faxriysi Maqsad Xudayberganov mehmon sifatida ishtirok etdi. U Ikkinchi jahon urushi va Afg‘on urushi yillarida xalqimiz boshidan o‘tkazgan og‘ir qiyinchiliklar, mashaqqatli kunlar, yo‘qotishlar haqida so‘zlab berdi. Shuningdek, bugungi tinch va osoyishta hayotimizning qadriga yetish, yurtimizda hukm surayotgan totuvlikni asrash har birimizning muqaddas burchimiz ekani ta’kidlandi.
Tadbir davomida tinglovchilar bilan ma’naviy-ma’rifiy suhbatlar tashkil etilib, vatanparvarlik, milliy g‘urur va tarixiy yodgorliklarni asrab-avaylash mavzulariga alohida e’tibor qaratildi.
Bu tadbir Vatanga sadoqat, tinchlikning qadriga yetish, ajdodlar xotirasiga hurmat tuyg‘ularini yanada mustahkamlashga zamin yaratdi.
