“Ijtimoiy-iqtisodiy fanlar metodikasi” kafedrasi o‘qituvchisi G. Ubbiniyazova rahbarligida tinglovchilar uchun poytaxtimizdagi ko‘zi ojizlar uchun mo‘ljallangan maxsus kutubxonaga amaliy tanishuv tashrifi tashkil etildi.
Maqsad — mazkur kutubxonada nogironligi bo‘lgan shaxslar uchun yaratilgan imkoniyat va texnik sharoitlar bilan tinglovchilarni yaqindan tanishtirishdan iboratdir.
Tashrif davomida kutubxonada mavjud BRAYL alifbosidagi kitoblar, audiovizual manbalar, matnlarni Brayl yozuviga ko‘chirish qurilmalari, kattalashtirib ko‘rsatish funksiyasiga ega lupali qurilmalar hamda boshqa zamonaviy texnik vositalar faoliyati haqida batafsil ma’lumot berildi. Ushbu imkoniyatlar zamonaviy kutubxonachilik sohasida amalga oshirilayotgan innovatsion yondashuvlarning amaliy ifodasi ekani qayd etildi.
