Qoraqalpog‘iston Respublikasi Pedagogik mahorat markazida “O‘qish savodxonligini baholash va rivojlantirish” mavzusiga bag‘ishlangan o‘quv-amaliy trening mashg‘ulotlari o‘z nihoyasiga yetdi. Mazkur tadbir xalqaro baholash dasturlari talablariga mos ravishda ta’lim sifatini oshirish, o‘quvchilarning matnni tushunish va tahlil qilish ko‘nikmalarini shakllantirish maqsadida tashkil etildi. Treningda umumta’lim maktablarining direktor o‘rinbosarlari, boshlang‘ich sinf o‘qituvchilari, mentor-o‘qituvchilar va metodistlar faol ishtirok etdi. Yakunda ishtirokchilarga olingan bilimlarni o‘z faoliyatida qo‘llash va maktablarda ta’lim sifatini yangi bosqichga ko‘tarish bo‘yicha tegishli tavsiyalar berildi.
