Qatag‘on qurbonlari xotirasiga bag‘ishlangan ‘Kelajak soati’ darslari

Mamlakatimizda tarixiy xotirani asrab-avaylash, qatag‘on qurbonlari xotirasini e’zozlash hamda yosh avlod qalbida Vatanga sadoqat, milliy g‘urur va iftixor tuyg‘ularini shakllantirishga alohida e’tibor qaratilmoqda. Ushbu tashabbus doirasida Berdaq nomidagi Qoraqalpoq davlat universiteti qoshida faoliyat yuritayotgan «Qatag‘on qurbonlari xotirasi» muzeyida «Kelajak soati» darslari tashkil etildi. Darslar «Pedagogika, psixologiya va ta’lim texnologiyalari» kafedrasi professor-o‘qituvchilari tomonidan «Tarixiy muzeyga sayohat» mavzusida olib borildi. Ushbu tashabbus doirasida Qoraqalpoq davlat universiteti Axborot-resurs markazidagi Tarix muzeyida «Kelajak soati» darslari tashkil etildi. Darslar «Pedagogika, psixologiya va ta’lim texnologiyalari» kafedrasi professor-o‘qituvchilari tomonidan «Tarixiy muzeyga sayohat» mavzusida olib borildi. «Kelajak soati» darslari davomida qatag‘on yillarida xalq, Vatan va adolat yo‘lida jon fido qilgan minglab yurtdoshlarimiz xotirasi yod etilib, ularning nomlarini abadiylashtirish borasida amalga oshirilayotgan ishlar haqida batafsil ma’lumot berildi.